15 августа в 08:24

Фото: 1

ХУҖАБИКӘГӘ: кетчуп рецепты Кирәк: - помидор - 4 кг - суган - 6 данә - алма - 0,5 кг - кызыл баллы борыч - 3 данә - әче борыч - 2 данә (булмаса, кара борычны күберәк салырга) - сарымсак - 5-6 тырнак - бөртекле кара борыч - 10 данә -лавр яфрагы 10 данә - тоз - 2 аш кашыгы - корица - 1 чәй кашыгы - төелгән борыч - 1 чәй кашыгы - шикәр комы - 300 грамм Эш барышы: 1. Барысын кушып, 1,5 сәгать кайнатырга. 2. Блендр белән изәргә. 3. 70 грамм уксус салырга һәм 30 минут кайнатырга. 4. Стерильләштерелгән банкаларга тутырып, капкач белән капларга. Бакчачы Лилия каналы

14 августа в 11:21

Фото: 1

Татарстанда салкын һәм яңгырлы һава торышы фаразлана Төньяк циклонның тылдагы өлеше йогынтысы аркасында Татарстанда атна ахырына кадәр салкынча һәм тотрыксыз һава торышы урнашачак. Бу хакта ТР Гидрометеорология һәм әйләнә-тирә мохитне күзәтү идарәсе хәбәр итә. ☔15 һәм 16 августта, республикада аномаль салкын һава торышы саклана - уртача тәүлеклек температура нормадан 8-9 градуска түбән булачак. Урыны белән яңгыр ява. Төнлә термометрның терекөмеш баганасы +5..+10 градуска кадәр төшәчәк, ә көндез +10..+16 градустан да югары күтәрелмәячәк. 🌨 Метеорологларның якынча мәгълүматларына караганда, 17 һәм 18 августта, Татарстанда урыны белән кыска вакытлы яңгыр ява, әмма температура фоннары акрынлап күтәрелә башлый. ☀ Дүшәмбе һава көндез +14..+19 градуска, ә сишәмбе +20..+25 градуска кадәр җылыначак.

14 августа в 06:45

Игътибар: мобиль группага (МАГ) язылу бара Хөрмәтле түбәнкамалылар! Сезне KAMA TYRES сәнәгать зонасын саклаучы һәм БПЛАга каршы торучы мобиль группада хезмәт итәргә чакырабыз. Шартлар: ✔2 атна Казан шәһәрендәге Танк училищесы базасында уку; ✔шина комплексы предприятиеләрен саклау максатында 2 ай (8 атна) МАГ составында хезмәт итү; ✔айлык хезмәт хакы 150 000 сум (кулга); ✔барлык кирәк-яраклар (кием-салым, туклану) белән тәэмин итү һәм бөтен уңайлыклары булган казармада яшәү; ✔мөһим булган очракта ял алу; ✔KAMA TYRESның 8 предприятиесенең берсенә (сезнең теләк буенча) рәсми рәвештә хезмәт вакытына яисә даими рәвештә эшкә урнашу: ▪ «Түбән Кама шин» җәмгыяте; ▪ «Түбән Кама йөк шиналары заводы» җәмгыяте; ▪ «Түбән Кама механика заводы» җәмгыяте; ▪ «Энергошинсервис» җәмгыяте; ▪ «Кама» фәнни-техник үзәге» җәмгыяте; ▪ «СБО Шинник» җәмгыяте; ▪ «Кама» сәүдә йорты» җәмгыяте; ▪ «Татшина» җәмгыяте; ✔хезмәт итү срогын ел дәвамында 3 тапкыр (2шәр ай) озайтырга мөмкин; ✔гомуми срок – 6 айга кадәр (үзегез теләгәнчә өзеп торырга мөмкин). ☎ Тулырак мәгълүмат өчен телефон номерлары: 8-8555-24-12-70, 8-919-623-80-73

14 августа в 05:59

Фото: 5

ҺӨНӘРИ ОСТАЛЫК БӘЙГЕСЕ: яшь вулканлаштыручылар 🛞 КАМА ТYRES предприятиеләрендә хезмәт куючы 20 яшь вулканлаштыручы һөнәри осталыкта сыналды. Бәйге шартлары буенча конкурсантлар өч шина «пешерде». Жюри егетләрнең һәр хәрәкәтен күзәтеп, хаталарын теркәп бара. Ә алар күзеннән энә очы кадәрле дә кимчелек төшеп калмый: конкурсант махсус киеменнәнме, эшли башлаганчы агрегатның техник торышын тикшердеме, «пешерелгән» покрышка сыйфатлымы, куркынычсызлык, хезмәтне саклау кагыйдәләре үтәлдеме һ.б. Форматорлардан бөркелгән кайнарлыкка егетләрнең ярыш азарты да өстәлгәч, цехтагы һава температурасы күтәрелә төште кебек. Альмир Гарипов: – Минем өчен бу дүртенче бәйге. Кызганычка, берсендә дә призлы урын алып булмады. Бәлки, монысында бәхет елмаер. Теориядә 20 мөмкинлектән 17 балл җыйдым. Практикада хаталар ясамаска, яхшы күрсәткечкә ирешергә исәп. Айрат Яппаров: – Беренче тапкыр катнашкач, бераз каушата. Ләкин сынатмам, үземне уңай яктан күрсәтермен дип уйлыйм. Бер дә хезмәттәшләр алдында сынатасы, сиңа ышаныч белдергән җитәкчеләр йөзенә кызыллык китерәсе килми. 🏆 Йөзләренә канәгатьлек кызыллыгы йөгергән конкурсантларның эшен кабул итеп алган жюри кемгә өстенлек бирде? Монысы ай азагында билгеле булачак.